كشفت الفنانة أسماء جلال عن إعجابها الشديد بالمطرب اللبناني وائل جسار في برنامج معكم منى الشاذلي ، مؤكدة أنها تحبه وتحفظ كل أغانيه وفي فترة من الفترات كانت صوره معلقة في كل مكان بغرفتها، كما كانت تحرص على حضور كل حفلاته.
أضافت الفنانة أسماء جلال “كنت الشخصية الملزقة اللي بحط صوره في الدولاب وفوق السرير والموضوع تطور بقيت بحضر كل حفلاته، وأكون أول واحدة أعرف هي فين واحجز ترابيزة وأنا بس واقعد أبص له، وابقى لابسة فستان وعايزاه يشوفني مع إنه متجوز، مش عارفة كنت بعمل إيه”.
وحكت الفنانة أسماء جلال موقفا محرجا جمعها به في أحد الحفلات: “لحد ما في مرة وأعتقد هو خاف مني بعدها، رحت كنت عايزة أتصور معاه واتصورت ولفيت له وقلتله انت عارف إننا هنتجوز قالي لا والله، ومبقتش بحضر حفلاته تاني عشان محرجش نفسي بحبه بس مش زي زمان وربنا يباركله في مراته”.
جدير بالذكر أن الفنانة أسماء جلال في ترة نجاح لها كبير بعد نجاح مسلسل اشغال شاقة الذي كان يعرض في رمضان و يُعرض لها حاليا فيلم “اللعب مع العيال” إخراج شريف عرفة، وبطولة محمد إمام، كما تشارك كضيفة شرف في الجزء الثالث من فيلم “ولاد رزق – القاضية” إخراج طارق العريان، بطولة أحمد عز، عمرو يوسف وآسر ياسين.
